افغان جهاد دخپلي بریا په وروستیو پړاونو کي دی، بریايې دتاریخ يو نوی باب پرانیستی دی، خو وروستیو بریدونو ددې باب یو نوی فصل جوړ کړ، دزرین باب زرين فصل.

تریوې هفتې په کم وخت کي په هغو سلګونو بریدونو برسېره چي دهیواد په بېلابېلو سیمو کي ترسره شوي، څلور ستر ډله ييز فدايي بریدونه چي درې يې په کابل او یو یې په کونړ کي وو ددې فصل زریني کرښي جوړوي.

تیره سې شنبه چي دمارچ ۲۵ کیږي، په کونړ او کابل کي دوه ستر بریدونه ترسره شول، په کونړ کي برید په هغوعسکرو وو، چي په کابل بانک کي دخپلو تنخواوو لپاره راټول شوي وو، چي دوو اتلو فدايانو برید پرې وکړ او په لسګونو عسکر يې ووژل.

دغه برید لا پای ته نه وو رسېدلی، چي دکابل برید دچارواکو زړونه ور ولړزول، برید دټاکنو دکميسیون په دفتر ترسره شو، دغه برید چارواکي له شرمه دې ته اړ کړل، چي تلفات يې کم وښيي، په دغه بريد کي یې يوازي دولایتي شورا دیوه کاندید او څو نورو کسانو دوژلو خبره وکړه، خو دې ته چارواکو هم فکر ونه کړ، چي خلک به داڅنګه راسره ومني، چي برید نږدې ۶ ساعته روان او تلفات دې دومره کم وي.

تيره ورځ بیادسولي دريښې په نوم دموسسي په مېلمستون چي په حقيقت کي کلیسا وه، وسله وال ډله ييز فدايي برید ترسره شو، دغه برید هم دخپلو سیالو بریدونوڅخه کم نه وو، ځکه داجګړه هم نږدې ۶ ساعته روانه وه، خو بیاهم دکابل رژيم په خپله ماته دپرې اچولو په موخه ددغه اتلوال برید تلفات کم وښودل، دکرزی دادارې دچارواکو له غوږونوڅخه ددغه برید ازانګې لانه وې لري شوي، چي نن يې دغوږونو پردو ته دیوې نوې جګړې ازانګې ورسېدلې، دغه برید چي نن ترسره شو، بيايې هدف دټاکنو دکميسیون دفتر وو، دغه برید هم تر۵ ساعتونوزیات وخت دوام وکړ، برید دتیرو په څېر بیاپه کابل کي ترسره شو، خو هسي يې سیمه بدله وه، دغه برید دومره ویره دچارواکو زړونو ته ور واچوله، چي حمله دټاکنو دکميسیون په دفتر وه، دوی دکابل دهوايي ډګر پروازونه وځنډول، دپام وړ داده، چي دغه ټولي جګړې په دوو، څلورو او یاپنځو کسانو ترسره شوي دي، خو په مقابل کي یې په سلګونو عسکر په جګړه بوخت وي، خو بیاهم جګړه تر ساعتونو ساعتونو پوري دوام کوي.

دغو پيوسته سترو بریدونو دکابل درژيم پوځي او استخباراتي کمزوریتا ولس او نړۍ ته وښودله، پوځي کمزوریتاخو يې له دې څخه څرګندیږي، چي دیوڅو کسانو په مقابل کي په زرګونو عسکر په ساعتونو په جګړه بوخت وي او له هر ډول تجهيزاتو او وسلو سره سره دیوڅو کسانو مخه نه شي نیولای او استخباراتي کمزوریتا یې داده، چي په ډیرو مهمو ځايونو بریدونه پلانیږي، فدایان په درندو اوسپکو وسلو سمبال دکابل ښار په منځ کي خپل هدف ته رسيږي، جګړه پیل کوي، خو بیاهم ددغه ادارې استخبارات په هيڅ نه وي خبر، چي کله دډزو غږ واوري، دنورو عامو خلکوپه څېر پوه شي، چي په پلاني ځای کي جګړه روانه ده.

خوچي کله دپوښتني ځای راشي، چي څنګه دغه ځای ته وسله وال له دومره ډیرو وسلو سره ورسيدل او جګړه يې پیل کړه، نو بیاپه خپله کمزوریتا دپردې اچولو په هدف دغه برید دبهرنۍ کړۍ کار وبولي، خو ولس په دې پوهیږي، چي دغه دبهرنۍ کړۍ کار نه بلکه خپله دافغانستان درښتونو ځامنوکار دی، ځکه ټول افغانان په دې پوهیږي او ویني، چي طالبان او مجاهدين دولس په منځ کي اوسیږي، هلته بریدونه پلانوي او بیايې په بهرنیو اشغالګرو او کورنیو لاسپوڅو ترسره کوي.

په دې برسېره دغو بریدونو دغرب استخبارات هم وننګول، ځکه اوس هم غرب په پوځي ملاتړ برسېره په بشپړه توګه دکابل له رژيم سره استخباراتي همکاريوي کوي، خو هغوی ته هم دبرید تر پيله دغه معلومات نه وي، چي برید به چیرته، څه وخت او څنګه کيږي، ځکه که چیرته دبرید په اړه لږ معلومات هم غربي او یادکابل درژيم استخبارات ولري، نو دې حساس وخت ته په کتلو سره هرو مرو دبرید په ځای کي امنیتي تدابير سختوي اودبرید مخه نيسي.

همداراز په ټوله کي دغو وروستیو بریدونو دغربيانو تر وتلو وروسته دکابل درژيم راتلونکی هم معلوم کړ، چي تر څومره به دوام وکړي، ځکه له دغو بریدونو څخه څرګندیږي، چي دغربيانو تر وتلو وروسته دغه اداره نور راتلونکی نه لري.

عادل خپلواک